好恐怖！事情就发生珠海

feather

好恐怖…………
经常坐坦洲-拱北车嘅朋友，特别系女性！
我5月26号下午从澳门返坦洲，我出关闸往平时坐坦洲-拱北车方向（情侣路）准备坐车返坦洲，行到喷水池对出开嘅红绿灯处有个年约26-30岁嘅男人，身高约1.7米，黑黑瘦瘦，样子老实，冲过嚟主动同我讲：「靓女，你去边？」起初我以为系蓝牌车兜客，我5理佢，佢又问我一句：「你系准备去坐巴士返坦洲定三乡阿？嗰边d巴士改晒路线啦！」比佢讲中咗我意向，我立即停低脚步问佢：「改线路？点解嘅？」佢答我：「我系巴士嘅售票员，珠海d交警咯，话停嗰车站5啱规例，要抄牌喔，我哋无办法先改路线咋！」我当时仲半信半疑，佢见我拎咗好多嘢（洗发水、洗头水、洗衣液）就好热情咁话帮我拎，仲话佢反正都要行过去开工。
我见佢个样都好老实，当时我选择信佢，一路上有倾有讲，佢话佢系台山人，又问我系边度人，什么工作，我当时觉得无乜所谓，就一一作答：「坦洲七村人（因为我坐车坐到七村站落车）」直到佢带我去到一条比较少人嘅巷仔，我又开始起疑心啦，我问佢：「点解5喺指定车站等车？」佢答我：「因为车站好多人，行前小小上车着数d嘛！」见我几袋嘢都比佢拎住，我又5好意思拒绝，唯有跟住佢再行前d。大约比个车站行前十米，我就5愿意行啦，佢见状就讲：「其实哩度等都差5多咖啦！」之后将我d嘢放喺张石板凳上面。佢时不时就会讲句：「部车应该差5多到咖啦。」随后，佢就冇乜点同我讲嘢，自己企埋一边等车。
等咗大约十分钟，仲未见有车嚟，我正怀疑紧究竟有冇车到之际，有个年约45-55岁嘅阿叔，身肥、皮肤稍白、金丝眼镜、似生意人，喺不远处边倾电话边往我所企嘅方向行近，我之所以有留意电话里头嘅内容系因为佢都返坦洲：「我啱过完关阿，d行李俾咗XX帮我带走..我e家？准备返坦洲咯..打算住三四日先返，等埋个司机就返坦洲啦，系咁先啦！」佢cut咗线就开同我搭讪：「呢位小姐，我想请问下，哩条系乜嘢街阿？」「吓？我都5系好清楚喔！你不如问下嗰边d人啦。」讲完顺势指下车站方向。「咦？你都5识路咖？你5系珠海人？」「5系。」「咁你边度人？」「坦洲」「哦？你坦洲人阿，怪5得你知道d巴士改咗路线啦。」嗰时，我松咗口气，心谂终於有人系返坦洲又一齐等车咖啦，我无乜心思答佢：「系阿，系嗰个靓仔带我过嚟咖，5系我都5知改咗。」我指咗指嗰条友仔。嗰个阿叔话：「我系澳门人嚟嘅，喺坦洲买咗楼，谂住返去住返几日。」一听到原来住喺坦洲嘅又觉得亲近咗少少。「喺坦洲边度买楼？」「坦洲公园嗰头。」「你又等车返坦洲阿？」「我？5系等巴士，我有司机接我，你住坦洲边度？」「七村」「我有车接，反正又顺路，你5介意咪坐我顺风车咯！」我当时戒备起来，但表面笑住讲：「5洗啦，反正巴士都好快到啦，麻烦你5好意思嘅。」跟住就好似好无所谓咁讲咗句「5紧要。」然后过咗大约三分钟左右，嗰个自称系售票员嘅男人突然行过嚟我度同我讲：「靓女，e家d线路改到立立乱，啱先公司打电话俾我话五点先有车返坦洲，咁自己打的又好，乜都好啦，你自己谂办法返坦洲啦，5好意思呀，我走先啦。」讲完就急急脚走咗。我睇咗睇手机，当时系4点15分。心谂，咁咪要等成粒先有车？但同时觉得奇怪，觉得无可能，嗰个大叔打断咗我思路：「咁不如就坐我顺风车啦，放心喔，我5会收你钱。」我个心越发觉得边有咁啱咖，哩头话冇车到，嗰头又咁啱有顺风车坐，我内心纠结紧究竟坐5坐好呢？万一系骗子我迷死梗梗？咁或者人哋又出于一片好心呢？大叔又打断我「5洗谂啦，反正顺路，你坐的士又要洗几廿蚊，何必洗d冤枉钱阿？」我越觉得5对劲，我话「都要5洗啦，我醒起有d嘢仲未买，反正5赶时间，多谢你先。」讲完之后我拎住d嘢起飞脚走，巴不得自己有对翼飞！跑咗大概20、30米路程，截咗架珠海的即刻上车，嗰个的士司机讲普通话：「小姐，刚我已经在你站的地方按了几次喇叭，你没理我，那时我就想叫你走了！」我问点解？佢继续讲：「刚那两个是专拐人口的贩子，经常在那地方作案。」「你怎么知道？」「我当然知道，我做出租车经常停在这，不信你看！」司机示意我看回我刚站的地方，那大叔不在了，竟然不在了！前后未有五分钟！司机大哥话，虽然佢5知佢呃d人去做乜，但肯定5系好事，可能系卖俾d山卡拉地方嘅男人做老婆，又可能系偷肾...
- O; g9 w$ i+ r3 T: u记得以前睇一个微博话，去拱北行街，尽量少去个洗手间，话有不法分子进行偷肾...
如果，我真系上咗佢车，我真系5知会变成点样......
$ l4 t6 y4 j7 \1 m; _我表达能力有限，本来冇谂住打成文字，但大部分朋友听完成件事都支持我发出来让更多嘅人知道有哩件事，5好以为哩d不法份子离自己好远，5会发生喺自己身上，其实佢哋喺我哋身边！当你睇哩篇嘢嘅时候可能会话系我蠢，如果系你就一定5会上当，千其5好咁谂，曾几何时，我都系咁谂！当你真系遇到时远远比你谂嘅5一样！
, ]. y3 J( ^* Z  N+ l4 Z经过哩件事，告诫我：千万5好其陌生人讲嘢、5好轻信他人。特别系女牲，一个人外出，要多留个心眼。
! d( b' q1 g6 S" r- k. y  }8 S* H我5知政府相关执法部门重视哩个咁严重嘅社会问题！我哋只可以尽量自己保护自己，时刻提高警惕。

feather

真人真事，各位注意了